Traduzioni d’Autore
Walter Di Gemma traduce Jacques Brel
Madeleine (Madeleine) La sciora (Les remparts de Varsovie)
Testi
Madeleine (Madeleine) Son dree a spettà Madeleine gh'hoo portaa i fior de lillà el foo quasi tutt i dì perchè a lee ghe pias inscì Son dree a spettà Madeleine ciaparemm el trentatrii andaremm in via Brolett lee ghe pias mangià i polpett Madeleine l'è el mè Natàl l'è l'America in blue-jeans anca se l'è tròpp per mì come dis el sò cusin Son dree a spettà Madeleine gh¹è on bel film al Cinemà lì ghe disaroo content: Madeleine,te voeuri ben perchè l'è talment bella perchè pussee d'inscì perchè l'è la mia stella Madeleine,te spetti chì. Son dree a spettà Madeleine quatter gott in sù i lillà mì lìhoo di che pioeuv anmò Madeleine,la riva nò Son dree a spettà Madeleine el tranvai el passa pù via Brolett la saren sù Madeleine la riva pù Madeleine l'è el paradis 'na bandera coi stellin anca se l'è tròpp per mì come dis el sò cusin Son dree a spettà Madeleine domà'l cinema l'è vert podaroo basala almen e poeu digh: "Te voeuri ben..." perchè l'è talment bella per mì l'è el Boulevard perchè l'è la mia stella Madeleine, che l'è in ritard... Nò. Mì 'spettavi Madeleine hoo giamò traa via i lillà L'è trii mes che el sò giamò: Madeleine la riva nò. Mì spettavi Madeleine va in malora el cinemà anca i me te voeuri ben! Madeleine minga la ven! Madeleine l'è come on sògn la speranza senza fin anca se l'è tròpp per mì come dis el sò cusin. Mì spettavi Madeleine passa l'ultim trentatrii i polpett sarann finì Madeleine, se fà nò inscì! Però l'è talment bella però con lee e poeu pù però l'è la mia stella Madeleine la riva pù. Ma... Ma doman spettaroo Madeleine e ghe portaroo i lillà el faroo per tutti i dì perchè a lee ghe pias inscì. Madeleine te spettaroo ciaparemm el trentatrii magnarèmm anca i polpett Madeleine, mì e tì. Madeleine, l'è come on sògn la speranza senza fin mej se l'è on poo tròpp per mì come dis el sò cusin. Mì la spettaroo Madeleine andaremm al cinemà e ghe disaroo "je t'aime", Madeleine, ghe piasarà.
La sciora (Les remparts de Varsovie) La sciora la va a spass menando el cuu fin in via Arèna La sciora la gh'ha el coeur che batt 'me on matt quand la va in scèna La sciora la strascina per Milàn tutta l'ombrìa La vita l'è per lee magìa La sciora la va a spass senza stracass fin a mattina La sciora la gh'ha i lunn come quand l'era piscinina La sciora la gh'ha on bamba che ghe dis: Bella gattina Servida me 'na gran regina regina e mì intant, tutt i ser, foo el camerer a l'Alcazar La sciora l'è on bel ragg de soo che penetra in la stanza La sciora coi sò tett la porta gioia in abbondanza La sciora la colora de tristezza la speranza La sciora l'è de circostanza La sciora la gh'ha on can color del fumm quand ven la sera La sciora quand la parla di sò ann la va in stondera La sciora la fà sfògg del sò dialett, ma con manera, Francés, però l'è de Matera Tutt i ser da ormai des ann mì foo el barman all'Alcazar La sciora sui cavej la gh'ha'l profumm di nòtt de Cina La sciora la gh'ha i oeucc sù tutt'i vècc con la berlina La porta ona ridada e i alter porten vaselina La sciora l'è on poo birichina La sciora la se sbronza con la grappa, quella bona. La sciora la ten sù tutt'i sbarbaa de la soa zona La cunta depertutt che mì me ciami "La godiva" Con mì la sciora l'è cattiva Tutt i ser mì canti chì. Foo el travestii a l'Alcazar La sciora la gh'ha i man sù tutt i còrp dell'esercizzi La sciora la me parla adree con tucc senza giudizzi La sciora la vor famm tirà el carrett quand voo in boletta la sciuscia come ona sanguetta! La sciora la ten banch anca perché gh'hoo pù de grana. La me fattura bej diamant e spill de porcellana la sciora la va a spass con la mia Rolls 'me 'na contessa La sciora la va on poo de pressa Tant che mì, stracch come on matt, foo el lavapiatt a l'Alcazar!